काठमाडौं । नेपाल राष्ट्रबैंकको गभर्नरमा डा. विश्वनाथ पौडेल नियुक्त भएका छन् । मंगलबार बसेको मन्त्रिपरिषद्को बैठकले पौडेललाई गभर्नर नियुक्त गर्ने निर्णय गरेको सुचना तथा सञ्चारमन्त्री पृथ्वी सुब्बा गुरुङले जानकारी दिए ।
सिफारिस समितिले कामु गभर्नर निलम ढुंगाना, पुर्व सचिव डा. दिनेश भट्टराईलाई र पौडेललाई सिफारिस गरेको थियो । समितिले सिफारिस गरेको ३ जनामध्ये पौडेललाई नियुक्त गरिएको गुरुङले बताए ।
गभर्नर नियुक्त गर्नअघि सत्तासिन दल नेपाली कांग्रेस र नेकपा (एमाले)को बिचमा लामो रस्साकस्सी चलेको थियो ।