एआईजी कृष्णहरि शर्माको बिदाई


काठमाडौं । नेपाल प्रहरीका अतिरिक्त महानिरिक्षक (एआईजी) कृष्णहरी शर्मा भदौ १४ बाट अवकाशमा जाँदै छन् । भदौ १४ मा शनिवार परेका कारण उनलाई प्रहरी प्रधान कार्यालयले शुक्रवार साँझ नै बिदाई गरेको छ ।

आईजीपी दिपक थापा र नवनियुक्त आईजीपी चन्द्र कुवेर खापुङले शुक्रवार साँझ शर्मालाई बिदाई गरेका हुन् । एआईजीको ५६ वर्षे उमेरहदका कारण शर्मा अवकाशमा गएका हुन् । शर्मा प्रहरीको प्रशासन विभाग प्रमुखको रुपमा कार्यरत थिए ।

प्रहरी महानिरिक्षक दिपक थापा पनि भदौ १८ बाट अवकाशमा जाँदै छन् । आईजीपी थापा २०५२ भदौ १९ मा भर्ना प्रहरी निरिक्षबाट प्रहरी सेवामा प्रवेश गरेका थिए । मन्त्रिपरिषद्ले भदौ १९ बाट लागु हुनेगरी एआईजी चन्द्रकुवेर खापुङलाई आईजीपी पदमा नियुक्त गरेको छ ।