काठमाडौं । प्रहरीको अतिरिक्त महानिरिक्षक (एआईजी)मा ईश्वर कार्कीले काठमाडौं उपत्यका प्रहरी प्रमुखको कमाण्ड सम्हालेका छन् । बुधवार रानिपोखरी स्थित उपत्यका प्रहरी कार्यालयमा कार्कीले पदभार ग्रहण गरेका हुन् ।
उपत्यकामा कार्यरत दान बहादुर कार्की आईजीपी नियुक्त भएसँगै उपत्यका प्रहरी प्रमुखको पद रिक्त थियो । मन्त्रिपरिषद्ले ईश्वर कार्कीलाई एआईजीमा बढुवा गर्दै उपत्यका प्रहरी कार्यालयमा पस्थापन गर्ने निर्णय गरेको थियो । कार्कीलाई डीआईजी ओम अधिकारी सहितका प्रहरी अधिकृतहरुले स्वागत गरेका छन् ।
जेनजी प्रदर्शनसँगै उपत्यकामा सुरक्षा चुनौति थपिएको छ । भदौ २४ मा आन्दोलनकारीको आक्रमणबाट सवैभन्दा धेरै क्षति उपत्यकामा भएको थियो । उपत्यकामा गिरेको प्रहरीको मनोबल उठाउँदै शान्ति सुरक्षा बहाल गर्नुपर्ने चुनौति कार्कीको काँधमा छ । आगामी फागुन २१ मा हुने प्रतिनिधीसभाको निर्वाचन शान्तिपुर्ण रुपमा सम्पन्न गराउने चुनौति पनि उनको सामु छ ।